Hitt og þetta aðalega þetta.

Jæja góðir hálsar þá er Idolið búið og það var hann Snorri sem stóð uppi sem winner. Ég var haldandi með Ínu en ég verð nú samt að viðurkenna að Snorri var með eindæmum góður í gærkveldi og átti því alveg skilið að vinna. Það er pínu söknuður eftir þættinum, hann var orðin svona fastur punktur í tilverunni en það kemur þá bara eitthvað annað í staðinn. Núna er til dæmis byrjaður þáttur sem heitir því skemmtilega nafni bjútí and ðe gíg (beauty and the Geek) sem er raunveruleikaþáttur þar sem sætar stelpur og Nördar reyna að kenna hvort öðru það sem þau kunna (úfff pínu flókið). Stelpurnar ætla sem sagt að reyna að gera nördana kúl en strákarnir ætla að reyna að gera pæjurnar gáfaðar. Þessi sjónvarpslágmenning er í algleymi þessa dagana. En hvað um það í kveld er stefnan sett á Hestakránna þar sem við hjónin ætlum að halda upp á það með körfuboltliðinu að við erum komin í úrvalsdeild. Það verður örugglega mjög gaman en ég er ansi hrædd um að ég verði að keyra þannig að þetta verður ekki mikið djamm á mér allavega. Ég var að koma af fimleikamóti þar sem Telma Lovísa var að keppa og unnu þær loksins verðlaun eftir öll mótin sem við erum búnar að fara á. Þær fengu sem sagt brons og síðan fengu allir keppendur páskaegg en mín var fúl yfir því að fá BARA páskaegg nr 2 . Engin smá tilætlunarsemi í minni, ég verð fljót að koma henni niður á jörðina og er jafnvel að hugsa um að gefa henni bara páskaegg nr 1 fyrst hún lætur svona. jæja ætli ég verði ekki að hætta og fara að hugsa um örverpið sem er ekkert altof ánægð þessa stundina. Endilega kvittið í gestabókina (eða ég held að ég sé með gestabók)

ble í bili Íris bjútí og ðe gík